Ka lloje të ndryshme gjaku që nuk mund të shihen me sy të lirë. Por këto dallime janë shumë të rëndësishme dhe mund të nënkuptojnë ndryshimin midis jetës dhe vdekjes në raste urgjente. Grupet e gjakut AB+ dhe AB- kanë të dyja antigjenet A dhe B në sipërfaqen e qelizave të tyre të kuqe të gjakut. Kjo i bën këto grupe gjaku unike dhe veçanërisht të vlefshme. Kanë veti që grupet e tjera të gjakut nuk i kanë. Ekzistojnë gjithashtu kërkesa të veçanta për stërvitje dhe ushqim.
- AB+ është një nga grupet më të rralla të gjakut
Në SHBA përqindja e këtij grupi gjaku është pak më pak se 4%, ndërsa në Britaninë e Madhe vetëm 2% kanë grupin e gjakut AB+. E ekstrapoluar në të gjithë popullsinë botërore, shifra supozohet të jetë 3%.
Sipas hulumtimeve, grupi i gjakut AB është grupi më i ri i gjakut. Besohet se e ka origjinën si një përzierje e gjakut mongol dhe kaukazian. Kjo shpjegon edhe pse grupi i gjakut AB është dukshëm më i zakonshëm në disa pjesë të Azisë, veçanërisht në Indi dhe Mongoli, sesa në Evropë.
- Grupet e gjakut AB janë marrës universal
Ky emërtim vjen nga fakti se grupet e gjakut AB mund të marrin gjak nga çdo dhurues. Kjo veti e favorshme rezulton nga fakti se grupet e gjakut AB- dhe AB+ kanë të dyja antigjenet A- dhe B-.
Por grupi i gjakut AB+ mund ti dhurohet vetëm njerëzve të cilët kan të njëjtin grup gjaku.
- Tiparet e karakterit
Në disa kultura, është e zakonshme të fokusohemi te horoskopët dhe shenjat e zodiakut kur diskutojmë për karakteristikat personale të njerëzve. Por ka edhe opsione të tjera; disa kultura, përfshirë Japoninë dhe Korenë, mbështeten në grupin e gjakut.
Njerëzit me grupin e gjakut B konsiderohen të vetëvendosur, krijues dhe vendimtarë. Njerëzit me grupin e gjakut A, nga ana tjetër, thuhet se janë të zgjuar, të gatshëm për kompromis, të ndjeshëm, emocionalë, të kujdesshëm dhe të pasionuar. Tani, po në lidhje me grupin e gjakut AB? Në fund të fundit, ato kanë avantazhe dhe disavantazhe nga të dyja palët. Thuhet se këta njerëz kombinojnë karakteristikat e të dy grupeve të gjakut dhe gjithashtu janë simpatikë dhe të orientuar drejt argëtimit. Ata gjithashtu mund të luftojnë me ankthin dhe stresin.
- Grupet e gjakut AB janë donatorë universalë të plazmës
Kur bëhet fjalë për transfuzionet e gjakut, AB+ mund të përdoret vetëm në një masë shumë të kufizuar, por kur bëhet fjalë për dhurimin e plazmës, grupi i gjakut AB+ vepron si një dhurues universal. Nëse i hiqni të gjithë përbërësit nga gjaku, ajo që mbetet është plazma, pjesa e pastër dhe e lëngshme. Me një proporcion prej rreth 55%, është përbërësi kryesor i gjakut. Plazma, nga ana tjetër, përbëhet nga 90% ujë dhe transporton qelizat dhe lëndët ushqyese në të gjithë trupin.
Plazma përdoret për të mbështetur djegiet të rënda. Përveç kësaj, ajo luan një rol të rëndësishëm në trajtimin e disa sëmundjeve kronike. Plazma nuk mund të nxirret vetëm dhe për këtë arsye duhet të ndahet nga gjaku i mbetur pas dhurimit të gjakut. Më pas mund t’i dhurohet kujtdo sepse antigjenet nuk janë më të pranishëm në plazmë pasi gjaku dhe plazma janë ndarë.
- Mënyrë pozitive jetese dhe dietë
Grupi i gjakut mund të ndikojë në çdo fushë të jetës. Meqenëse grupi i gjakut AB është një nga më të rrallët, ka disa ndikime specifike në dietë dhe në stilin e jetës që duhet të merren parasysh.
Për shkak të acidit në stomak, njerëzit me grupin e gjakut AB duhet të shmangin sa më shumë mishin dhe në vend të tyre të hanë shumë fruta dhe perime. Për shkak të niveleve të acidit, duhet të shmangni ushqimet e rënda dhe të hani disa vakte të vogla në ditë. Për shkak të rezistencës së ulët ndaj stresit, duhet të kenë kujdes edhe me stimuluesit si kafeja. Kur bëhet fjalë për sportin dhe aktivitetin, njerëzit me grupin e gjakut AB duhet të përqendrohen në stërvitje intensive, pasi trupi i tyre ka tendencë të prodhojë hormone të tilla si adrenalina në doza më të larta. Për të pasur energji të mjaftueshme për ushtrimet intensive, duhet të hani ushqime me niseshte si makarona ose oriz.
Është e qartë se grupi i rrallë i gjakut AB ka shumë avantazhe. Struktura e tyre luan një rol të madh në kujdesin shëndetësor; funksioni i tyre si dhurues universal për plazmën e gjakut në veçanti i bën ato të vlefshme për mjekësinë.
Shpresojmë që ju ka pëlqyer ky postim i shkurtër dhe do të vizitoni sërish faqen tonë së shpejti. Faleminderit që lexoni dhe qëndroni të shëndetshëm!
Përshtati nga Gjermanishtja në Shqip: Marsida Bregasi
Burimi: https://diefaktenseite.de/die-blutgruppe-ab/
