Gazment Bardhi ka folur për mediat pas bllokimit të foltores së Kuvendit nga opozita për shkak të refuzimit nga mazhoranca për të votuar ndryshimet e reformës zgjedhore.
Ai theksoi se opozita ka të drejtë të caktojë përfaqësuesit e vetë në komisionin e reformës zgjedhore, ndërsa shtoi se ka një tentativë të qartë të grupit të PS për të penguar përfaqësimin e opozitës në këtë komision për të zvarritur realizimin e reformës zgjedhore.
” Opozita ka të drejtë, grupi parlamentar i PD ka të drejtë të caktojë ai përfaqësuesit në komisionin e reformës zgjedhore. Ka një tentative të qartë dhe një vendimmarrje të grupit parlamentar të PS për të penguar përfaqësimin e opozitës në Komisionin e Reformës Zgjedhore. Me qëllim të vetëm për ta zvarritur ashtu sic kanë bërë gjatë këtyre dy viteve finalizimin e reformës zgjedhore.
I solla në vëmendje deklaratat e SHBA dhe BE që kuvendi të çojë përpara përmbylljen e përmbushjes së rekomandimeve të OSBE ODIHR
Kemi qenë të detyruar si deputetë të opozitës sa kohë nuk po respektohet asnjë e drejtë e opozitës në Kuvend që të pengojmë procesin e votimit në këtë seancë.
Dua të jem i qartë, nëse opozitës në kuvend i mbyllet çdo hapësirë institucionale kuvendi nuk mund të funksionojë normalisht sic ka funksionuar gjatë kësaj kohe”, tha Bardhi.