Home SHQIPERIA Grupi kriminal fshehu armët/ U alarmuan pas dëshmisë së dhënë nga dy vëllezërit Beqiraj

Grupi kriminal fshehu armët/ U alarmuan pas dëshmisë së dhënë nga dy vëllezërit Beqiraj

0
Grupi kriminal fshehu armët/ U alarmuan pas dëshmisë së dhënë nga dy vëllezërit Beqiraj

Ndajeni këtë artikull me të tjerë duke klikuar ikonat më poshtë

Pas dëshmisë së dy vëllezërve Beqiraj si dhe nga informacionet e siguruara nga agjentët në terren, komisariati numër 4 kishte rënë në gjurmët e arsenalit të armëve, që u gjet pasditen e së mërkurës në afërsi të 5 Majit në Tiranë.

 

Burime policore shprehen se hetuesit kishin të dhëna të mëhershme për aktivitetin kriminal. Por, dalja e dëshmisë së Indrit dhe Gentjan Beqirajt, që rezultuan vrasës me pagesë, ka bërë që autorët të frikësohen dhe të mbledhin një pjesë të arsenalit të armëve që më pas e fshehën në një gropë të mbuluar me shkurre. Por, largimi pa gjurmë vështirësoi punën e policisë për identifikimin dhe arrestimin e tyre.

 

Armët ishin futur në thasë ku u gjetën 73 fishekë luftarakë të kalibrit të madh, 150  krehëra , pjesë armësh automatike, 2 pajisje optike për armët si dhe 4 targa, nga të cilat 2 ishin angleze, 1 italiane dhe 1 targë plastike shqiptare.

 

Armët dhe municionet e gjetura janë dërguar në laboratorin e policisë kriminale për ekzaminim, për të provuar nëse janë përdorur ose jo në ndonjë ngjarje kriminale.

 

Ka dyshime të forta se këto armët mund të kenë lidhje edhe me bazat e tjera, që janë zbuluar më herët nga policia.

Ndajeni këtë artikull me të tjerë duke klikuar ikonat më poshtë