Sekretari i Përgjithshëm i OKB-së Antonio Guterres u ka njoftuar organeve të KB kandidaturën e tij për një mandat të dytë pesë-vjeçar nga 2022 deri në 2026, tha zëdhënësi i tij Stephane Dujarric.

Guterres i tha presidencës së Asamblesë së Përgjithshme dhe Këshillit të Sigurimit të KB se ai ishte “në dispozicion për një mandat të dytë si sekretar i përgjithshëm nëse ky është vullneti i vendeve anëtare të KB”, tha Dujarric në një konferencë të rregullt për shtyp, raportoi AFP

Burime diplomatike thanë më herët se Guterres kishte diskutuar kandidaturën me përfaqësuesit e pesë anëtarëve të përhershëm të Këshillit të Sigurimit.

Guterres tha se ai do të ishte “i nderuar të vazhdojë t’i shërbejë organizatës në arritjen e qëllimit të saj dhe përmbushjen e qëllimeve të saj fisnike”.

Mandati i parë i Guterres, ish-kryeministër portugez dhe komisioner i lartë i KB për refugjatët, skadon në dhjetor.

Anëtarëve të Këshillit të Sigurimit dhe Asamblesë së Përgjithshme të KB u kërkohet të konfirmojnë ose heqin dorë nga ai në krye të Organizatës gjatë vitit.