Dhjetëra qytetarë janë mbledhur para Kryeministrisë për të pestën ditë radhazi, kundër rritjes së çmimeve të produkteve bazë dhe burimeve të energjisë.
Protestuesit i kanë bërë thirrje qeverisë që të marrë masa të menjëhershme. Ata shprehen se nuk do të heqin dorë nga kërkesat e tyre, ndërsa paralajmërojnë se rezistenca e tyre do të përshkallëzohet në rast se qeveria nuk vepron.
“Zgjohuni nga gjumi se na mori lumë”, “Guxoni o shqiptarë”, ishin këto disa nga thirrjet e lëshuara në protestë.