Një urdhër-arresti është lëshuar nga Gjykata Penale Ndërkombëtare për krimet e luftës të presidentit rus Vladimir Putin për përfshirjen e tij në rrëmbimin e fëmijëve nga Ukraina.
Këshilltarja presidenciale e Ukrainës për të drejtat e fëmijëve, Daria Herasymchuk, raportoi muajin e kaluar se pothuajse 14,000 fëmijë ukrainas janë rrëmbyer.
Gjykata Ndërkombëtare Penale (ICC) tha në një deklaratë se Putini mbante përgjegjësi penale individuale për rrëmbimin dhe dëbimin e fëmijëve ukrainas që përbën krime lufte.
Dmitry Medvedev, nënkryetar i Këshillit të Sigurimit të Rusisë dhe ish-President dhe Kryeministër i Rusisë tha: “Gjykata Penale Ndërkombëtare ka lëshuar një urdhër arresti kundër Vladimir Putin. Nuk ka nevojë të shpjegojë ku duhet përdorur kjo letër letër higjienike.”
Moska ka thënë më parë se nuk e njeh juridiksionin e ICC-së dhe ka mohuar akuzat për krime lufte gjatë pushtimit të Ukrainës.
“Ne nuk e njohim këtë gjykatë; ne nuk e njohim juridiksionin e saj”, u tha gazetarëve në Moskë të martën zëdhënësi i Vladimir Putin, Dmitry Peskov.
Burimi: Ora News
