Gjykata Ndërkombëtare e Drejtësisë në Hagë vendosi të mbajë një seancë dëgjimore publike për padinë kundër shtetit të Izraelit për gjenocidin në Rripin e Gazës me procedurat që u nisën nga Afrika e Jugut.
Siç thuhet në njoftimin e Gjykatës Ndërkombëtare në Hagë, seanca e parë do të mbahet javën e ardhshme.
“Të enjten, më 11 janar dhe të premten, më 12 janar 2024, Gjykata Ndërkombëtare e Drejtësisë do të mbajë seanca dëgjimore publike në Pallatin e Paqes në Hagë, selia e Gjykatës, në procedurat e nisura nga Afrika e Jugut kundër Izraelit më 29 dhjetor, 2023.
Kujtohet se Afrika e Jugut ka paraqitur një Kërkesë për Procedime kundër Izraelit në lidhje me shkeljen e pretenduar të Izraelit të detyrimeve të tij sipas Konventës për Parandalimin dhe Ndëshkimin e Krimit të Gjenocidit (‘Konventa e Gjenocidit’) në lidhje me Palestinezët në Gaza.
Seancat dëgjimore do t’i kushtohen Aplikimit për Masat e Përkohshme të përfshira në Aplikacionin e Afrikës së Jugut. Në mocionin e saj, Afrika e Jugut i kërkon Gjykatës të urdhërojë masa të përkohshme për ‘të mbrojtur kundër dëmeve të mëtejshme, të rënda dhe të pariparueshme të të drejtave të popullit palestinez sipas Konventës së Gjenocidit’ dhe ‘për të siguruar respektimin e Izraelit me detyrimet e tij sipas Konventës së Gjenocidit, përkatësisht të mos përfshihen në gjenocid dhe të parandalojnë dhe ndëshkojnë gjenocidin’”, thuhet në njoftim.
