Hamasi do të ndërmarrë veprime ligjore kundër Britanisë për shpalljen si grup terrorist

thumbs_b_c_e1f8dfc98cd640a29d5b94afc0140858.jpg

Ndajeni këtë artikull me të tjerë duke klikuar ikonat më poshtë

Grupi i rezistencës palestineze Hamas njoftoi të dielën se do të ndërmarrë veprime ligjore kundër Britanisë, e cila kohët e fundit e ka cilësuar atë si organizatë terroriste.

Duke folur në një konferencë online të mbajtur nga Qendra për Studimet e Refugjatëve Palestinezë, anëtari i Byrosë Politike të Hamasit, Mousa Abu Marzouk, tha se grupi po punon në mënyrë aktive me institucione dhe organizata të ndryshme kundër këtij vendimi.

Hamasi po punon për një strategji me avokatët britanikë për anulimin e vendimit, shtoi Marzouk.

Ai vuri në dukje se shkaktimi i përçarjeve në Palestinë nuk do t’i shërbente interesave të Hamasit, duke shtuar se lëvizja synon të mbrojë atdheun e saj dhe rezistencën.

Marzouk gjithashtu i kërkoi administratës palestineze dhe lëvizjes Fatah për pajtim në bazë të interesave të publikut palestinez, partneritetit dhe rezistencës.

Ministria e Brendshme e Britanisë njoftoi në një deklaratë se ka përfshirë Hamasin në listën e organizatave terroriste të ndaluara pasi legjislacioni u miratua nga parlamenti më 19 nëntor.

Në deklaratë thuhet se anëtarët e Hamasit ose ata që e mbështesin atë mund të dënohen deri në 14 vjet burg.

Britania kishte ndaluar krahun ushtarak të Hamasit, të njohur si Brigadat Izz ad-Din al-Qassam, në vitin 2001.

Ndajeni këtë artikull me të tjerë duke klikuar ikonat më poshtë