Bizneset kryesisht ato që operojnë në tregtinë me pakicë kanë hapur sot qepenët. Por rikthimi në punë mbart shumë sfida dhe pasiguri për ecurinë e mëtejshme. Malli ka mbetur stok, shitje nuk ka ndërsa transporti është I bllokuar.
Pas rreth dy mujash Adela pronare e një dyqani veshjesh në Tiranë është rikthyer në punë, me masat e kujdesit ndaj virusit.
Ajo ka ende furnzimim e dimrit që vështirë se do të shitet në këto ditë pranvere. Për shkak të bllokimit, ajo nuk ka as paratë e nevojshme për të marrë furnizmin e radhës.
Sitata bëhet edhe më e ndërlikuar, teksa kufinjtë me shtetet ku ajo furnizohet janë të bllokuar pa afat.
Por këtë të hënë edhe tregtarët në tregjet e pakicës I janë rikthyer punës. Në tregun Çam në Tiranë, fluksi I vizitorëve është dukshëm më I ulët se në ditët normale.
Edhe shërbimi taksi ka rinisur këtë fillim jave. Kompanitë e licensuara kanë marrë masat duke pranuar një klientet I cili ulët vetëm në pjesën e pasme të makinës. Por edhe në këtë sektor levizjet janë shumë të kufizuara.
Rikthimi I normalitetit ekonomik duket se është ende larg, për aq kohë sa qytetartët po përballen me papunësi, reduktim pagash dhe pasiguri të forta për të ardhmen ekonomike.
