Kryeministri Edi Rama e bëri të qartë se ai nuk mund që të hapë rrugët ajrore në vend, derisa rreziku COVID-19 të vazhdojë.
Ai iu përgjigj një vajze 15 vjeçare që kërkoi lirinë e lëvizjes, duke qenë se prindërit i ka në Gjermani.
“Po mo xhan po, po si e bëj unë këtë punë? Çfarë me fjalë? Si t’i hap rrugët? Për çdo hap që bëjmë, duhet të shikojmë dinamikën e infektimit, si është situata. Kemi detyrim moral dhe profesional që t;i nënshtrohemi mendimit të ekspertëve. Unë nuk mundem dot që t’i marr këto vendime me kokën time. Mos më kërkoni gjëra që nuk i bëj dot. Më shani sa të doni, më kërdisni, sepse unë mbaj, kam treguar që mbaj, por vetë nuk vendos.”, iu përgjigj Rama.
Ai sulmoi edhe të gjithë njerëzit që e quajnë COVID-19, një konspiracion.
“Dëgjohen lloj-lloj mendimesh. Konspiracion është virusi, po vriten pleqtë t’u merren lekët, vjen nga 5G. Unë kam detyrë të kujdesem për njerëzit. Se pas ca vitesh do thonë: Mirë ne që ishim budallenj, po ti që të kemi vënë aty? Nesër është normale që ta thonë.”