Kryetarja e LSI, Monika Kryemadhi, ka komentuar vendimin e Senatit të Zvicrës për hapjen e bankave në vendin e tyre. E ftuar në emisionin “Open” në Top Channel, Kryemadhi tha se i ishte bërë shumë qejfi që ishin hapur llogaritë në Zvicër dhe shtoi se do ishte më e kaluar në Singapor dhe Mauricio.
“M’u bë shumë qejfi se janë hapur llogaritë e Zvicrës, por do ishte mirë që të hapeshin edhe ato të Singaporit dhe Mauricios. Aty do të gjejmë edhe lekët e tërmetit pastaj”, tha Kryemadhi.
Zvicra ka vendosur sot të shkëmbejë informacione mbi të dhënat bankare me shtetet e interesuara. Parlamenti zviceran ka aprovuar shkëmbimin automatik të të dhënave bankare me vende, përfshirë Shqipërinë, duke nisur nga vitit 2021.
