Zyrtarë të Komunës së Prizrenit e dhjetëra pjesëmarrës tjerë u mblodhën dhe i ngritën duart për t’i bërë lutje Zotit në ceremoninë e hapjes së një hoteli pa alkool në Prizren, raporton Kosova Post.
Kryetari i Këshillit të Bashkësisë Islame në Prizren, Besim Berisha udhëhoqi ceremoninë e hapjes së hotelit, duke drejtuar këtë lutje:
“O Zot i gjithësisë, ashtu siç këta kanë vendosur që ky vend të jetë i hallallit, pa alkool dhe pa harame të tjera, o Zot mundësoja që edhe fitimin ata dhe fëmijët e tyre ta kenë prej hallallit”.
Kujtomë se Islami e ka të ndaluar alkoolin dhe jo thjesht sasi të caktuar. Ndërkohë, në parimet e fesë është që besimtari të ushqehet me hallallëk, pra vetëm me të lejuarën, si garanci për pasuri e jetë të bereqetshme.
