Kryeministri në dorëheqje i Kosovës, njëherësh kryetar i Aleancës për Ardhmërinë e Kosovës, Ramush Haradinaj, po ashtu edhe kreu i Nismës, Fatmir Limaj kanë theksuar se duhet të merren gjitha veprimet në mënyrë që vendi të shkojë në zgjedhje.
“Është një bindje e gjithë neve që zgjedhjet duhet të ndodhin në kohë. Ka bazë të mirë që partite politike me dakordim të plotë të shpërbëjnë parlamentin – të mos humbet kohë – të ketë kordinim të veprimeve në nivel të grupeve parlamentare, dhe që gjithë së bashku të votojnë një mocion për shpërbërjen e parlamentit”.
Ndërkohë nga ana tjetër Limaj ka thënë se vendi duhet që sa më parë të shkojë në zgjedhje dhe se janë në pritje të ftesës së presidentit për konsultim.
Ndërkohë, presidenti i Kosovës, Hashim Thaçi, i ka filluar konsultimet me partitë politike në lidhje me zhvillimet pas dorëheqjes së kryeministrit, Ramush Haradinaj.
Sipas një komunikate nga presidenca, ai ka nisur takimet me dy parti të komuniteteve jo shumicë që përfaqësojnë komunitetin turk dhe atë boshnjak në Kuvendin e Kosovës. përderisa për të mërkurën e ka parlajmëruar një takim me kryetaren e Komisionit Qëndror të Zgjedhjeve, Valdete Daka.
