Kryeministri i Kosovës, Ramush Haradinaj, ka shkarkuar zëvendësministren e Drejtësisë, Vesna Mikiç, e cila vjen nga radhët e subjektit politik Lista Serbe.
Përmes një postimi në rrjetin social Facebook, shefi i qeverisë Haradinaj, ka theksuar se ky është një vendim që është marrë, pasi Mikiq deklaroi se bombardimet e NATO-s mbi caqet e ish-Jugosllavisë ishin gjenocid ndaj shtetit dhe popullit serb.
Sipas kryeministrit Haradinaj, deklarimet e tilla janë “të papranueshme dhe përkojnë me gjuhën e urrejtjes”.
Haradinaj tha se Mikiç i bëri komentet në Ministrinë e Drejtësisë.