Kryeministri i Kosovës, Ramush Haradinaj, ka kërkuar që Shqipëria të heqë taksën në “Rrugën e Kombit”.
Gjatë një interviste të dhënë ppër televizionin publik në Kosovë kryeministri Haradinaj është shprehur se kërkon nga presidenti që t’i kërkojë Edi Ramës t’ia nisë prej hapit të pare.
“E lus presidentin t’i kërkojë Edi Ramës t’ia nisë prej hapit të parë. Ta heqë taksën, skanerin. T’ia nisim kështu bashkimin. Unë jam për një bashkim konkret e jo të fjalëve të mëdha. I kisha lutur të gjithë të bëjmë kujdes: që të mos shkojnë fjalët para punëve”.
Gjithahstu Haradinaj ka komentuar dhe zhvillimet e ndodhura në Samitin e Parisit, ku ka thënë se pret qartësim të situatës në dialog me Serbinë.
“Pres një qartësim më të madh se a do të ketë marrëveshje në fund të këtij viti apo jo. Atje do të shkojmë bashkë. Unë nuk do të shkojë atje pa Ahmetin e Limajn, por duhet të vijnë edhe presidenti e kryeparlamentari. Jemi duke u konsultuar, e ndajmë çdo materie”.