Mjekët kosovar në Qendrën Klinike Universitare janë shndërruar në heronjtë e ditës, pasi shpëtuan nga rreziku për jetë një fëmijë që i kishin ngecur në mushkëri disa kikirikë.

Intervenimi i kyer në repartin e Otorinolaringologjisë (ORL) ka kërkuar shpejtësi të jashtëzakonshme, pasi gjendja e fëmijës ishte ndërlikuar. Por intervenimi ka shkuar me shumë sukses, dhe fëmija nuk ka pasur asnjë pasojë.

Doktori që e ka kryer intervenimin, Hajdin Thaçi, bashkë me ekipin e tij mjekësor kanë ndërhyrë urgjentisht, dhe brenda 10 minutave, djali ka filluar të ndjehet mirë.

“Bronku i djathtë ka qenë i tëri i bllokuar, fëmija ka marrë frymë vetëm me anën e majtë. Në këtë rast, mushkëria e djathtë ka qenë tërësisht e bllokuar derisa kemi filluar tërheqjen një nga një të copëzave të kikirikut”, thotë Thaçi.

Klinika e Otorinolaringologjisë ofron shërbime për të gjitha qytetet e Kosovës, por jo vetëm. Për shkak të afërsisë dhe prakticitetit, në të kryejnë internevime edhe banorë nga veriu të Shqipërisë.

 

Subscribe kanalin tonë në Youtube për të mos humbur asnjë video të re