Partia Socialiste dhe Partia Demokratike e drejtuar nga “Rithemelimi” arritën një dakordësi për ngritjen e dy komisioneve hetimore, gjë që çoi edhe në normalizimin e jetës parlamentare.
Një prej dy komisioneve për të cilat u arrit marrëveshja, është ai për TIMS, me kryetar, Ervin Salianjin.
Ky i fundit ka njoftuar se komisioni do të zhvillojë mbledhjen e parë nesër me datë 2 prill 2024, ora 15:00 në sallën Pjetër Abnori.
Njoftimi:
Në mbështetje të ligjit nr. 8891, datë 2.5.2002, “Për organizimin dhe funksionimin e Komisioneve Hetimore të Kuvendit”, çështjet që do të diskutohen, shqyrtohen dhe miratohen në Komisionin Hetimor në mbledhjen e parë janë si më poshtë.
Deklarimi i konstituimit të komisionit hetimor dhe prezantimi i anëtarëve të tij.
Deklarimi i qëllimit të ngritjes së komisionit.
Përcaktimi i detyrave të komisionit.
Zgjedhja e sekretarit të komisionit.
Deklarimi i planit paraprak të hetimit.
Zgjedhja e ekspertëve ligjorë.
Përcaktimi i mbledhjes së rradhës së komisionit hetimor.
KRYETAR
Ervin SALIANJI
