U hodh në Washington shorteu i Kupës së Botës 2026 duke u dhënë tifozëve mundësinë të imagjinojnë rrugëtimin drejt finales së madhe.
Kombëtaret u ndanë në 12 grupe me nga 4 skuadra.
Grupet:
Grupi A: Meksika, Koreja e Jugut, Afrika e Jugut, Fituesi i Play off D (Danimarka, Maqedonia e Veriut, Çekia dhe Irlanda).
Grupi B: Kanadaja, Zvicra, Katar, Fituesi i Play off A (Italia, Uellsi, Irlanda e Veriut dhe Bosnja Hercegovine).
Grupi C: Brazil, Marok, Skocia, Haiti.
Grupi D: SHBA, Australia, Paraguaji, Fituesi i Play off C (Kosova, Turqia, Sllovakia dhe Rumania)
Grupi E: Gjermania, Ekuador, Bregu i Fildishtë, Kurasao.
Grupi F: Holanda, Japonia, Tunizia, Fituesi i Play Off B (Shqipëria, Polonia, Ukraina dhe Suedia)
Grupi G: Belgjika, Iran, Egjipt, Zelanda e Re.
Grupi H: Spanja, Uruguai, Arabia Saudite, Kapo Verde.
Grupi I: Franca, Senegal, Norvegjia, Fituesi i Play off 2 (Fituesi i Irak/ Bolivi-Surinam).
Grupi J: Argjentina, Austria, Algjeria, Jordania.
Grupi K: Portugalia, Kolumbia, Uzbekistan, Fituesi Play off 1 (Kongo/ Xhamajka-Kaledonia e Re)
Grupi L: Anglia, Kroacia, Panama, Gana.
Pjesëmarrës në ceremoni ishin presidenti i SHBA Donald Trump, kryeministri kanadez Mark Carney dhe presidentja meksikane Claudia Sheinbaum
Turneu më i madh në historinë e futbollit do të zhvillohet në 16 stadiume në SHBA, Kanada dhe Meksikë, me 48 ekipe dhe 104 ndeshje gjithsej.
Finalet e Botërorit 2026 do mbahen nga 11 qershori – 19 korrik në SHBA, Meksikë dhe Kanada.
Finalja e madhe do të luhet në “MetLife Stadium”, në New Jersey.