Tre ditë pas vendosjes në funksion, Gjykata e Përgjithshme e Apelit shortoi çështjen që do të vendosë se kujt do t’i përkasë logoja dhe vula e Partisë Demokratike.

 

Gjyqtarja relatore e dalë nga ky short është Elona Mihali, ndërsa dy anëtarët e tjerë të trupës gjykuese do të mbeten të pandryshuar, njëri Astrit Kalaja dhe gjyqtarja tjetër do të jetë Irida Kacerja.

 

I pranishëm gjatë hedhjes së shortit elektronik ishte sekretari për çështjet ligjore i grupimit të Berishës, Ivi Kaso.

 

LERTIDA BALILI

 

KANCELARE E GJYKATES SE APELIT

 

Të hidhet shorti për çështjet e vitit 2022.

 

Padia në Apel është bërë nga grupimi i Enkelejd Alibeajt, i cili i ka kërkuar gjykatës rrëzimin e vendimit të gjyqtarit të shkallës së parë Agron Zhukri, vendim i dhënë më 25 mars të vitit të kaluar, që njohu statutin dhe ndryshimet e dala nga kuvendi i Rithemelimit më 11 dhjetor të 2021.

 

Kjo është çështja më e nxehtë në prag të zgjedhjeve vendore, që do të vendosë fatin e Partisë Demokratike.

 

Nëse Apeli do t’i japë të drejtë ankimimit të bërë nga grupimi i Alibeajt, vula dhe logoja e partisë do t’i përkasë këtij grupimi.