Skip to content

Historia e një 18 vjeçari që kërkon t’i mësojë një model yjeve të futbollit

Ndajeni këtë artikull me të tjerë duke klikuar ikonat më poshtë

Një futbollist amator nga Kenia po tenton të tërheqë vëmendjen e yjeve të futbollit si Ronaldo, Messi apo Neymar, duke treguar për gjestin e tij në të mirë të natyrës e njerëzve. Sa herë që Lesein Mutunkei shënon një gol, i vendos për detyrë vetes që të mbjellë 11 fidanë të rinj, një numër që përfaqëson të gjithë lojtarët e një skuadrë.

CNN i kushtoi një artikull historisë të riut, i cili kujton se ideja për të mbjellë pemë i lindi natyrshëm falë modelit që i kishin mësuar prindërit.

Ai tregoi se natyra e pemët nisën t’i pëlqejnë qëkur ishte fëmijë. Sa herë që familja e tij festonte diçka të bukur apo me rëndësi, ata mbillnin një fidan. Ky model e shtyu të riun që të lidhte përherë gëzimin apo diçka të mirë me mbjelljen e një fidani apo peme.

Më vonë futbollisti mësoi për Maathai-in, afrikanen e parë grua që fitoi Nobelin e Paqes vite më parë. Kjo e fundit ndër të tjera, ndihmoi vendin e saj duke mbjellë përgjatë viteve përmes një fondacioni, 51 milionë pemë.

Ndajeni këtë artikull me të tjerë duke klikuar ikonat më poshtë