Ish-kryeqyteti Osman i Ballkanit, Selaniku, pas 102 vitesh, pati sot si çast historik riahpjen e xhamisë Jeni, një prej dhjetrave që feksnin dikur në këtë qytet grek.
Kjo xhami, vetëkuptueshëm për një shtet që e ka patur kauzë zhbërjen e jetës islame dhe gjurmëve të saj, më së shumti pikërisht në Selanik, është përdorur si hapësirë ekspozite për Galerinë e Arteve komunale. Por këtë Fitër Bajram asaj iu rikthye identiteti i saj.
Që në orët e para të mëngjesit, aty mbërriti një numër i madh besimtarësh për të falur namazin e Fiter Bajramit.
Vendimi u morr nga Sekretariati i Përgjithshëm i Feve. Lutja e parë filloi në orën 07.30, nga imami egjiptian Taha Apdelgalil, shtetas grek dhe anëtar i komitetit fetar të Xhamisë së Athinës.
Ceremonia rituale u mbajt për rreth gjysmë ore. Predikimi u mbajt sa në arabisht e sa në greqisht.
Është ky një zhvillim historik për një vend që pothuajse e shkretoi jetën islame pas shkëputjes nga Perandoria Osmane.
Selaniku ishte njëherësh dhe kryeqendër e hebrenjve sefarditë nën, ardhur aty nga zemërgjerësia osmane e islame njëherësh, pas persekutimit të tyre në Spanjën e krishterë.
