Thierry Bodet, lideri i partisë holandeze të ekstremit të djathtë Forumi për Demokraci (Forum voor Democratie – FvD) u sulmua në një bar, dy ditë para zgjedhjeve parlamentare në Holandë.
Politikani i ekstremit të djathtë ndodhej në një lokal në qytetin e Groningenit kur një klient e goditi në kokë me një shishe. Shoqëruesi i Bodet e goditi me grusht sulmuesin përpara se drejtuesi i FvD të ikte, sipas pamjeve video të transmetuara nga media holandeze.
Dutch congressman and leader of the conservative Forum for Democracy [FvD], Thierry Baudet, was savagely attacked with a bottle last night.
This comes of the heels of a major Spanish conservative leader, Alejo Vidal-Quadras, 78, being shot in the face on 10/9/23. pic.twitter.com/pV0LVlrLwR
— National Conservative (@NatCon2022) November 20, 2023
Policia arrestoi njeriun që sulmoi drejtuesin e FvD.
Sipas një deklarate të partisë së ekstremit të djathtë holandez, Bodet u dërgua në spital me lëndime të lehta, ku iu dha ndihma e parë. Ai u detyrua të anulojë një paraqitje të planifikuar për sot.
Sulmi ndaj Bodet u dënua si “absolutisht i papranueshëm” nga kryeministri holandez në largim Mark Rutte, i cili nuk kandidon në zgjedhjet e 22 nëntorit.
Muajin e kaluar, Thierry Bodet u godit me një çadër në Universitetin e Gentit në Belgjikë.
Partia e ekstremit të djathtë FvD, e njohur për qëndrimet e saj euroskeptike dhe kundër imigracionit, parashikohet të sigurojë 4-5 vende në parlamentin holandez, sipas sondazheve.
Sulmi i ri ndaj Bodet zgjoi kujtimet e vrasjes së Pim Fortuyn, një politikan populist i ekstremit të djathtë, i cili u vra në vitin 2002 gjatë fushatës së tij zgjedhore. Autori, Volker van der Graaf, ishte një aktivist për të drejtat e kafshëve dhe mjedisor. Ai u arrestua, u dënua me 18 vjet burg dhe u lirua me kusht në vitin 2014.
