Hong Kongu është vërshuar dje nga protestues që kërkonin ndryshimin e ligjit të ri të ekstradimit, i cili do t’i sillte në territorin e Kinës personat që duhet të përballen me gjyqin.

Por qeveria kineze mendon se prapa tyre qëndrojnë “forcat e huaja” të cilat duan të dëmtojnë Kinën duke u përpjekur të krijojnë kaos.

Policia veproi kundër trazirave duke e rrethuar parlamentin e Hong Kong-ut, pas asaj që u konsiderua protestë paqësore disa milionëshe.

Legjislacionin në fjalë e mbështeti në një editorial edhe gazeta shtetërore China Daily, e cila tha se “çdo person me mendje të ndershme do ta konsideronte amendamentin e tillë si të ndjeshëm dhe të arsyeshëm, i cili do të forconte sundimin e ligjit për drejtësi.

Pas shtatë orësh marshimi, organizatorët vlerësuan se 1.030.000 njerëz morën pjesë në pika të ndryshme.

Grupet e të drejtave të njeriut kanë thënë se ndryshimet e propozuara në ligj do t’i japin Kinës një mjet ligjor për t’i marrë njerëzit nga Hong Kongu në paraburgim dhe do ta rrezikonte autoritetin autonom të Hong Kongut.