Huawei do të ndërtojë fabrikën e saj të parë në Evropë në Francë, njoftoi Liang Hua, Drejtor i Biznesit dhe President i Huawei Technologies.
Sipas tij, prodhuesi më i madh i pajisjeve telekomunikuese në botë do të investojë 200 milion euro në fazën e parë të ndërtimit të një objekti prodhimi të stacionit bazë për telefoninë celulare.
Liang shtoi se kjo do të nënkuptojë krijimin e 500 vendeve të reja të punës.
“Fabrika do të sigurojë të gjithë tregun evropian, jo vetëm Francën,” tha ai.
Teknologjia e rrjetit mobil 5G pritet të krijojë kushte për transmetimin e të dhënave në mënyrë të konsiderueshme më të shpejtë dhe për një hap eksponencial në krijimin e lidhjeve midis miliarda pajisjeve, duke filluar nga frigoriferë inteligjentë deri tek automjetet autonome.
Tani për tani, nuk dihet nëse vendimi i Huawei mori “bekimin” e presidentit francez Emmanuel Macron, i cili dëshiron investitorët e huaj në vend, por gjithashtu paralajmëroi depërtimin kinez në ekonominë e BE, sipas Reuters.
Liang tha se Huawei paraqiti para qeverisë franceze planin fillestar të grupit për ndërtimin e uzinës.
Agjensia britanike vëren se aktualisht nuk ka asnjë përgjigje nga kabineti i Macron për këtë çështje.
