Një 45-vjeçar me inicialet A. Ç., ka humbur jetën mbrëmjen e sotme në Shkodër, dyshohet si pasojë e arrestit kardiak.
Sipas policisë, i ndjeri teksa ka qenë duke drejtuar automjetin e tij, ka pësuar arrest kardiak dhe është përplasur me dy makina të tjera të parkuara.
Ai u dërgua në spital, por fatkeqësisht nuk mundi të mbijetojë!
Njoftimi i policisë:
Rreth orës 20:20, në lagjen “Naim Gjylbegu” shtetasi A. Ç., 45 vjeç, duke drejtuar automjetin e tij, dyshohet se ka pësuar arrest kardiak dhe për pasojë ka humbur kontrollin mbi drejtimin e automjetit duke u përplasur me 2 automjete të parkuara.
Shtetasi A. Ç., ka humbur jetën në Spitalin Rajonal Shkodër.
Grupi hetimor po punon për sqarimin e plotë të rrethanave dhe shkakut të këtij rasti.