Humb kontrollin e motoçikletës dhe përplaset brutalisht në asfalt, humb jetën 66-vjeçari në Lushnje (EMRI)

Aksident me pasojë vdekjen ka ndodhur pasditen e së shtunës në rrugën rurale “tre urat” në Lushnje.

Duke drejtuar motoçikletën shtetasi Agim Kola (66 vjeç) ka humbur kontrollin dhe për pasojë është përplasur brutalisht me barrierën anësore dhe më pas ka përfunduar në asfalt.

Përplasja ke qenë fatale për 66-vjeçarin i cili është ndarë nga jeta në vendngjarje ku ka mbërritur ambulanca për të marrë trupin e pajetë të Agim Kolës. Viktima kishte në pronësi një stan bagëtish.

Policia ka nisur hetimet për të zbardhur shkaqet e aksidentit.