Lulzim Basha ka përcjellë një mesazh ngushëllimi për ndarjen nga jeta në mënyrë të parakoshme të kryetarit të PD-së në Krujë, Reshit Merlikës si pasojë e një infarkti kardiak.
Basha shkruan se qëmndron në këto momente të vështira pranë familjes së Merlikës duke ju shprehur ngushëllimet teksa e kosnideron njërën prej familjeve më të shquara të Krujës.
Reagimi i plotë: Sot u nda nga jeta Reshit Merlika, kryetari i Degës së Partisë Demokratike Krujë. Mendimet dhe lutjet e mija dhe të familjes time si dhe të mbarë demokratëve shkojnë tek bashkëshortja e tij Majlinda dhe dy djemtë e tij Arbisi dhe Eraldi si dhe tek nëna e tij znj. Shpëtime dhe vëllezërit e të afërmit, për humbjen e parakohshme të njeriut të tyre të shtrenjtë.
Pinjoll i një prej familjeve më të shquara të Krujës, Reshit Merlika spikati me integritetin, qëndresën dhe dhembshurinë e tij për Krujën dhe bashkqytetarët e tij. Si pas tërmetit të 26 Nëntorit ashtu edhe gjatë pandemisë ai ishte ditë e natë pranë njerëzve në nevojë, duke mobilizuar ndihma, fashitur plagët e dhimbjeve dhe dhënë forcë e kurajo atyre që kishin humbur gjithçka.
Partia Demokratike humbi sot një nga drejtuesit e saj më të përkushtuar dhe unë një bashkëpunëtor të vyer. U prehtë në paqe!
(F.GJ/FAXWEB.AL)
/faxweb
