Një ngjarje e rëndë ka ndodhur në Lezhë, ku një person dyshohet është aksidentuar me dashje nga vëllai i ish-bashkëshortes së tij, ndërkohë që po lëvizte me biçikletë.
Si pasojë e përplasjes, i riu me iniciale Y.M ka ndërruar jetë në spital.
Ngjarja ka ndodhur në Ishull Lezhë, dhe autori i dyshuar është 32-vjeçari me iniciale A.K. nga Mamurrësi.
Sipas informacioneve paraprake, mes të dyve ka pasur konflikte të mëparshme, të shkaktuara nga divorci i viktimës me motrën e personit që është shpallur në kërkim.
