I dënuar me 12 vite burgim për gjobëvënie, anëtari i grupit të Shullazit, Gilmando Dani del nga regjimi “41 bis”, transferohet në këtë burg

Anëtari i grupit Shullazi Gilmando Dani ka dalë nga regjimi i posaçëm ’41 bis’. Mësohet se Dani do të transferohet në burgun e Rrogozhinës, ku dhe do të vuajë dënimin prej 12 vitesh burg të dhënë nga Gjykata e Posaçme kundër Krimit dhe Korrupsionit.

Zbatimi i regjimit 41-bis në burgjet shqiptare ka nisur që prej gushtit të 2020. Në ato qeli qëndrojnë të burgosurit me rrezikshmëri të lartë apo ata që thyejnë rregullat gjatë paraburgosjes e burgosjes. Banda e Shullazit me shtatë anëtarët: Emiljano Shullazi, Blerim Shullazi, Gilmando Dani, Endrit Zela dhe Endrit Qyqja, si dhe Arbjon Aliko e Genci Balla ishin shtatë të parët që u bënë pjesë e këtij regjimi.