I dërguari i posaçëm i Mbretërisë së Bashkuar flet për situatën në PD: Nuk zgjidhen mosmarrëveshjet duke mbrojtur interesa të ngushta personale

I Dërguari i posaçëm të Mbretërisë së Bashkuar për Ballkanin Perëndimor, Sir Stuart Peach, nëpërmjet një video ka folur për vizitën e tij në Shqipëri dhe ka theksuar se bashkëpunimi mes dy vendeve ishte thelbësor për të garantuar prosperitetin për të rinjtë shqiptarë.

Ndërsa lidhur me situatën e krijuar në PD, Peach u shpreh se u kishin kërkaur liderve që mosmarrëveshjet të zgjidheshin në mënyrë paqësore.

Stuart Peach: Mbretëria e Bashkuar është e përkushtuar të mbështesë demokracinë parlamentare në Shqipëri dhe reformat e nevojshme për zhvillimin e Vendit. Ne ua kemi bërë të qartë të gjithë liderëve se çdo mosmarrëveshje duhet të zgjidhet përmes dialogut paqësor, proceseve politike dhe ligjore, në interes të popullit shqiptar, jo interesave të ngushta individuale.