Në një kohë që mbrëmjen e së dieles u bë zhurme e madhe, gjoja për një aksion të policisë në Durrës për shoqërimin e Lul Berishës, ky i fundit është shfaqur në public këtë të martë.
Ai është paraqitur para Shërbimit të Provës në Durrës, si pjesë e procedurës për pjesën e mbetur të dënimit që ai duhet të kryeje në këtë forme pas daljes në liri me kusht në vitin 2016.
Ndërkohe të dielen ai nuk kishte qënë në banesën e tij në Durrës gjatë kontrollit që iu bë banesës së tij në kuadër të operacionit të madh antidroge “Vol-Vo 4”.
Motra e tij tha se Berisha ishte në Gjermani gjatë ditëve që ishte bërë ky kontroll.
Organi i akuzës pati dyshime se Lul Berisha mund të jete qënë i përfshirë në aktivitetin kriminal të trafikut të narkotikeve të grupit “Avdylaj” dhe heroinës së gjetur në Has, dhe prandaj në banesëne tij u bë control.
Megjithatë deri tani Berisha nuk është në mesin e të arrestuarve për këtë operacion.
