Danimarka është vendi i parë evropian që vendosi të hapë shkollat fillore, duke lehtësuar kështu masat kufizuese ndaj Covid-19.
Sipas medieve të huaja, çerdhet, kopshtet dhe shkollat fillore mirëpritën nxënësit që u kthyen dje, të cilët qëndruan 2 metra larg njëri-tjetrit, për të ruajtur rregullat e distancës sociale.
Shkolla ishte mbyllur që nga 12 marsi në përpjekje për të frenuar numrin në rritje të vendit të rasteve të koronavirusit.
Në fillim të prillit, qeveria e vendit njoftoi se shkollat do të rihapeshin “me kushtin që të gjithë të mbajnë distancën e tyre dhe të pastrojnë duart”.
Ndërkohë, disa prindër kanë kundërshtuar rihapjen e shkollave, duke përmendur shqetësimet shëndetësore me një peticion që ka mbledhur rreth 18,000 nënshkrime.
Studentët e shkollave të mesme dhe të shkollave të larta të Danimarkës do të vazhdojnë të mësojnë nga distanca. Ata pritet të kthehen në klasë në 10 maj.
