Indrit Hoxha, tashme pjesë e Komisionit të Rithemelimit të Partisë Demokratike, i ftuar në emisionin “Me Xhaxhiun” ka folur për dorëheqjen e Lulzim Bashës.
Gjatë fjalës së tij, Hoxha tha se kryetari i ri do të zgjidhet nga anëtarët e PD-së, ndërsa e cilësoi lajm të mirë që Gjykata e Tiranës pranoi kërkesën për Kuvendin e 17 korrikut.
Gjithashtu Hoxha i bëri një propozim Lulzim Bashës që të marrë pozicionin e kryetarit të grup seksionit pasi sipas tij në këtë mënyrë do të njihte bazën e Partisë Demokratike.
“Për mua nuk ishte fare e papritur dorëheqja e bashës. Bota ka prodhuar komedia të cilët janë bërë politikanë ndërsa ky nga politikan është kthyer në një komedia qesharak. Pse? Zoti basha është tallur edhe sot me demokratët, Basha është shkarkuar nga Kuvendi i 11 dhjetorit, me mbi 4 mijë firma dhe është shkarkuar me mbi 44 mijë vota nga referendumi i 18 dhjetorit. Sot Basha ka bërë një mbledhje që jep dorëheqjen nga dorëheqja, nuk e dimë se nga cila dorëheqje e ka fjalën. Ajo që ai duhet të bëjë të lërë zyrën që e ka marrë peng PD dhe logon e saj.
Të gjithë këta njerëzit e Bashës të bashkohen në Kuvendin e datës 30 prill, aty është baza e PD. Ka vetëm një kush që cilido kërkon të jetë pjesë e PD, në demokraci vendos vota, qoftë për Berishën, qoftë edhe për Berishën. Unë doja ta këshilloja Bashën që të vijë në degën 8 ku unë jam deleguar dhe të merrte pozicionin e kryetarit të grup seksionit, të njihte bazën e PD gjë të cilën nuk e ka bërë në 16 vite. Ta nisë nga “A” sic e kemi nisur prapë ne dhe pas një kohe të caktuar nëse ka ambicie lë të rikandidojë.
Gjykata bëri mirë që pranoi kërkesën e Kuvendit të 17 korrikur sepse pranimi i kësaj kërkese i hap rrugën në aspektin ligjor marrjen në shqyrtim dhe pranimit të kërkesës të Kuvendit të 11 dhjetorit i cili u zhvillua në stadiumin “Air Albania”. Tashmë është hapur rruga ligjore se unë kam bindjen time të plotë që nuk do të ketë asnjë pengesë për regjistrimin e 11 dhjetorit në gjykatën e Tiranës dhe këtu mbyllet e gjithë historia, nuk kemi cfarë diskutojmë dorëheqjen e dorëheqjes së zotit Basha. PD ka hapur një proces të riorganizimit të PD në të gjitha degët e PD-së. Ka interesim të madh të demokratëve për tu afruar por shikoj shumë djem dhe vajza të reja që kërkojnë të angazhohen në strukturat e PD. Kemi një rrugë shumë të vështirë përpara. Synimi jonë është për të mundur Edi Ramën që cdo i pakënaqur të na bashkohet”, tha Hoxha.
në Facebook, klikoni Join Group
…
/faxweb
