“I qëndroj faktit se non-grata nuk duhet të kandidojë për kryetar”, zbardhet takimi i Bashës në Elbasan, shoqërohej nga krerët e PD

Ish kryedemokrati, Lulzim Basha ka zhvilluar një takim me një grup demokratësh, këtë herë në qytetin e Elbasanit. Siç u publikua më herët nga Fax News në foton e siguruar Basha shihet tepër i përfshirë në diskutime.

Në foton e siguruar nga takimi bie në sy që Basha është rrethuar nga mbështetesit e tij kryesor, kryetari i PD Elbasan, Eugen Isaj, zv kryetari Zamir Muzhaqi, si dhe eksponentet me influencë Qani Xhafa dhe Andi Mema.

“Kam qenë i detyruar per te dhene mesazhin e bashkimit të partisë demokratike, por i qendroj faktit se non grata nuk duhet të jetë pjesë e grupit parlamentar apo të kandidoj për kreun e partisë”, – ka deklaruar ish kryetari i partisë demokratike.