Policia e Vlorës ka arrestuar një 33-vjeçar, i cili ishte në kërkim nga autoritetet spanjolle i akuzuar për disa vepra të rënda penale.
Sipas burimeve në pranga ka rënë Dienis Haskaj, i cili njihet edhe me mbiemrat Hoxhaj dhe Jazaj.
I riu është arrestuar pasi Spanja e kishte shpallur në kërkim të akuzuar si pjestar i një grupi kriminal në fushën e narkotikëve.
Arrestimi i këtij shtetasi u bë pasi gjykata e Spanjës caktoi masën “arrest me burg”, për veprat penale “trafik droge”, “organizatë kriminale” dhe “vjedhje e energjisë elektrike”.
Ky person në bashkëpunim me disa të tjerë merrnin shtëpi me qera në zonën e Kastelonin dhe i përshtasnin për të kultivuar bimë narkotike me anë të llambave.
