Policia italiane në Battipaglia arrestoi një 22-vjeçar shqiptar, i cili ishte në kërkim nga autoritetet për shfrytëzim prostitucioni.
Sipas mediave italiane, i riu i kishte shpëtuar arrestimit në muajin nëntor, ku u arrestuan edhe tetë shqiptarë të tjerë.
Mediat raportojnë se pasi i morën gjurmët e gishtave, rezultoi se i riu shqiptar ishte në kërkim dhe ndaj tij kishte një urdhër arresti, pasi akuzohej për shfrytëzim prostitucioni.
Pas arrestimit shqiptari u dërgua në burgun e Fuornit.
