Kryetari i grupit Parlamentar të PS, Taulant Balla ka folur në seancën plenare të kuvendit lidhur me taksën e qarkullimit, për të cilën tha se ishte votuar gjatë kohës së PD dhe se edhe ish ministri Bode, e kishte përcaktuar si të vetmen mënyrë për të mbledhur taksën e karburantit.
Më tej, Balla kërkoi që kryetari i PD, Lulzim Basha mos të merret me shifrat pasi sipas tij, nuk është shumë i zoti në atë pjesë.
“Dua që sa herë të flitet në këtë foltore të jemi të sinqertë. Basha e quajti taksën e qakullimit ‘taksa Rama’. Kemi qenë të dy së bashku kur kjo taksë është votuar për herë të parë, vendosja e taksës së qarkullimit brenda çmimit të karburantit. Ish-ministri juaj Bode argumentonte se ishte mënyra e vetme për të mbledhur këtë taksë. Bode erdhi asokohe që kjo të futej në çmimin e karburantit. U bë 17 jo 24 siç thotë Luli. Dhe Lulit i them mos hyj te shifrat se je zot na ruaj. Pra është e vetmja mënyrë për ta mbledhur këtë taksë,” u shpreh Taulant Balla.
…
/faxweb
