Skip to content

I tillë është shef Saimiri!

Ndajeni këtë artikull me të tjerë duke klikuar ikonat më poshtë

Nga Evans Drishti

Jemi mësuar në këto dekada të demokracisë të dëgjojmë për “shefa” të shumtë të profesioneve apo të detyrave të ndryshme si: shef zyre, shef grupi, shef katedre, shef zone, shef për çështjet X …. Madje tashmë në opinionin e përgjithshëm s’reshtim së dëgjuari edhe shprehjen “Si të gjithë u bënë shefa!” që në fakt mbart natyrshëm një ironi në vetvete për vetë idenë se personit së cilit i referohet ky konotacion as që e meriton të quhet “shef” dhe as që ka lidhje me të qenurit “shef”

Por ja që në të vërtetë kemi nga ato raste, ku fjala “shef” me ta dëgjuar na mbush zemrën dhe shpirtin duke na dhënë një siguri dhe besim të plotë, pasi autoriteti që e mbart këtë titull jo vetëm që i plotëson të gjitha kriteret për të qenë një SHEF i vërtetë, por arsimimi i tij, profesionalizmi në detyrë dhe mbi të gjitha vlerat njerëzore që ka ushqyer që në vegjëli reflektojnë tepër dukshëm në çdo cep të shoqërisë sonë.

I tillë është edhe SHEF SAIMIRI!

Shef Saimir Rrustemi, që në pikënisje të detyrës së tij tejet fisnike në instancat e policisë së shtetit në mbrojtjen e sigurisë së rendit, nuk u mjaftua të kryente “thjesht” një detyrë që i ishte caktuar, nisur edhe nga profesioni i tij, përkundrazi e pranoi detyrën si një obligim dhe si një angazhim për të bërë shumë më tepër se aq, kjo pasi ai e quan përgjegjësinë e tij në detyrë një amanet me vlera të vyera.

Si një bir i një familjeje model të shoqërisë sonë, si një bashkëshort i mrekullueshëm, si një prind, një baba i përkushtuar u pajis me energji tejet pozitive me të cilat shpirti dhe mendja e tij e ndritur gufon në çdo moment të kryerjes me devocion të detyrës së tij.

Teksa dëgjojmë dhe shohim sot reagime të shumta në mbështetje dhe mbrojtje të figurës së SHEF SAIMIRIT duke e quajtur me plot të drejtë KRENARIA JONË bindemi akoma edhe më shumë se të tillë personalitete si SHEF SAIMIR RRUSTEMI janë një nevojë energjente për shoqërinë e sotme jo vetëm si nëpunës të afirmuar të shtetit, por si profesionistë që dijnë

Të japin angazhimin e tyre maksimal në detyrë

Të dëgjojnë dhe kuptojnë mendjen dhe shpirtin e çdo individi të shoqërisë

Të thellohen në të kuptuarit akoma më mirë dhe më qartë të rrethanave që u paraqiten

Të perceptojnë dhe të gjykojnë më së miri çdo situatë që ka të bëjë me ruajtjen e rendit

Të guxojnë me mprehtësinë që ofron një mendje e shëndetshme për ti dalur ballë çdo lloj sfide sado e pakapërcyeshme të shfaqet në fillesë…

Dhe natyrshëm

Të arrijnë në fitoren e sigurtë dhe të shumëpritur

T’u sjellin qetësinë dhe drejtësinë e shumëkërkuar qytetarëve të këtij vendi…

Prandaj edhe shoqëria jonë sot është me të drejtë në këmbë në mbështetje dhe mbrojtje të një vlere të tillë, pasi vetë shoqëria jonë ka qenë dhe mbetet përherë një shoqëri e vlerave njerëzore dhe profesionale dhe s’mund të lejojë kurrë të nëpërkëmbë të tilla vlera dhe për rrjedhojë të tillë personalitete sikurse është edhe Shef Saimiri

Nëse që prej 31 vitesh nuk reshtim së kërkuari vendosjen e rendit dhe të drejtësisë në këtë vend është pikërisht sot Shef Saimiri simboli i profesionistit të vërtetë që ka arritur dhe do vijojë të arrijë me plot përkushtim sigurimin e rendit dhe vendosjen e drejtësisë për një shoqëri të tërë.

Ne si shoqëri e duam drejtësinë, e duam sigurinë dhe duam të jetojmë në një shoqëri të qetë, prandaj japim mbështetjen tonë të pakufijshme për të tilla vlera sikurse është SHEF SAIMIRI apo edhe shumë të tjerë, që angazhimin e tyre nuk e shohin si një “barrë” që u është vënë mbi supe “detyrimisht”, por si një përgjegjësi që sjell harmoninë dhe stabilitetin e një shoqërie të zhvilluar dhe demokratike.

Sot dhe përherë jemi me ty Shef Saimiri, pasi jemi për vlerat e vërteta që na bëjnë të ndjehemi “NJERËZ”!…/E përditshmja/

Ndajeni këtë artikull me të tjerë duke klikuar ikonat më poshtë