Një çift të moshuarish vdiqën në të njëjtën ditë pas më shumë se 60 vitesh që ishin së bashku.

Bill Dartnall, 90 vjeç, hoqi maskën e tij të oksigjenit pasi mori vesh për vdekjen e gruas së tij Mary, 81 vjeç, e cila ishte gjithashtu e infektuar me koronavirus. Dartnall ka punuar si pastruesh oxhakësh në Southampton për më shumë se 40 vjet. Zonja Dartnall filloi të kishte shqetësime me shëndetin dhe u dërgua menjëherë në Spitalin e Përgjithshëm Southampton dhe më pas rezultoi pozitive me koronavirus.

Disa ditë më vonë burri i saj pësoi një goditje në tru dhe u dërgua në të njëjtin spital, ku u zbulua se edhe ai ishte me Covid-19, njësoj si gruaja e tij.

Në fillim ajo paraqiti shenja përmirësimi, por më pas shëndeti i saj u përkeqësua dhe vdiq. Kur burri i saj e mori vesh, ai refuzoi oksigjenin dhe vdiq pesë orë më vonë. Ishte një tragjedi e dyfishtë për dy vajzat e çiftit, Rosemary dhe Ann.

“Kur e mori vesh që mamaja kishte ndërruar jetë, ai u përpoq ta tërhiqte maskën nga fytyra dhe e bëri të qartë se nuk dëshironte më oksigjen. Ai vdiq paqësisht në gjumë, disa orë më vonë”, thotë vajza e tij,  Rosemary.

Subscribe kanalin tonë në Youtube për të mos humbur asnjë video të re