Policia ka identifikuar në pranga autorin e dyshuar të ngjarjes së djeshme në Cërrik ku dy automjete të parkuara u përfshinë nga flakët.
Foto arkive
Raportohet se autori i dyshuar është 34-vjeçari me iniciale I. F., i cili rezulton i dënuar më parë për tentativë vrasjeje.
“Si rezultat i veprimeve të shpejta dhe profesionale hetimore, u bë e mundur zbardhja e kësaj ngjarjeje dhe identifikimi i autorit të dyshuar, shtetasit I. F., 34 vjeç, i cili u shpall në kërkim. Vijon puna intensive për kapjen e tij”, raportojnë uniformat blu.
Ngjarja ndodhi rreth orës 05:00 të ditës së djeshme, në lagjen nr. 1 ku për motive të dobëta, 34-vjeçari dyshohet se ka djegur me lëndë djegëse 2 automjete të parkuara, në pronësi të vëllezërve A. B., 32 vjeç dhe J. B., 35 vjeç, banues në Cërrik.
Njoftimi i policisë:
Cërrik/Zbardhet ngjarja e ndodhur mëngjesin e djeshëm, në lagjen nr. 1, ku u përfshinë nga flakët 2 automjete të parkuara.
Si rezultat i veprimeve të shpejta dhe profesionale hetimore, u bë i mundur identifikimi i autorit të dyshuar të djegies së automjeteve. Vijon puna për kapjen e tij.
34-vjeçari, i dënuar më parë për tentativë vrasjeje.
Në zbatim të masave të hartuara në kuadër të megaoperacionit policor të koduar “Sundimi i ligjit”, strukturat hetimore të Komisariatit të Policisë Cërrik, menjëherë pas ngjarjes së ndodhur në lagjen nr. 1, ku u dogjën pjesërisht 2 automjete të parkuara, kanë organizuar punën me qëllim zbardhjen e kësaj ngjarjeje dhe identifikimin e autorit.
Si rezultat i veprimeve të shpejta dhe profesionale hetimore, u bë e mundur zbardhja e kësaj ngjarjeje dhe identifikimi i autorit të dyshuar, shtetasit I. F., 34 vjeç, i cili u shpall në kërkim. Vijon puna intensive për kapjen e tij.
Nga veprimet hetimore dyshohet se ky shtetas, rreth orës 05:00 të ditës së djeshme, në lagjen nr. 1, për motive të dobëta, ka djegur me lëndë djegëse 2 automjete të parkuara, në pronësi të shtetasve A. B., 32 vjeç dhe J. B., 35 vjeç, banues në Cërrik (vëllezër).
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.