Kreu i Grupit të Partisë Demokratike, Gazment Bardhi ka kundërshtuar projekligjin për “Për karrierën ushtarake në Forcat e Armatosura të Republikës së Shqipërisë”.
Në Komisionin e Ligjeve, Bardhi është shprehur se do ta votojnë kundër, pasi sipas tij, “nuk garanton që ata të cilët kanë bërë karrierë me ndershmëri”.
Kreu i Grupit të PD-së theksoi se i vetmi kriter për të bërë karrierë në Ushtri është firma për kalimin e pronave tek oligarkët, teksa shtoi se “njërin prej tyre e çuat në Presidencë”.
“Ne do ta votojmë kundër këtë ligj, sepse nuk garanton që ata të cilët kanë bërë karrierë me ndershmëri. E vetmi kriter për karrierë ne Forcat e Armatosura, ka qenë vetëm firmosja e ndonjë prone për oligarkët. E kemi parë ca ka ndodhur, gradat dhe pozicionet i kanë marrë ata që kanë firmosur prona, i keni bërë gjeneralë e ndonjë prej tyre e keni çuar edhe në presidencë. Pra, ky ligj vetëm për këtë behet.
Ne nuk mund të rrimë pa shprehur shqetësimin , kur shikojmë se në zonat e forcave të armatosura mbillen sipërfaqe të tëra me lënde narkotike. Vlerësojmë çdo oficer karriere, çdo person që ka kontribuar por s’mund të heshtim për politizimin që keni bërë”, u shpreh Gazment Bardhi.
