Pagat e muajit maj do të kalojnë në të njëjtën vlerë siç ishin përpara reformës në paga.

 

Lajmi është bërë i ditur në një konferencë për mediat nga ministrja e Ekonomisë dhe Financave, Delina Ibrahimaj, e cila nënvizon se dokumentacioni i nevojshëm kërkon kohë për t’u përgatitur nga institucionet që preken nga këto ndryshime në ligjin e miratuar tanimë nga Kuvendi.

 

“Miratuam tetë vendime të Këshillit të Ministrave por patën diskutime. Do të marrim pak më shumë kohë, duke qenë se janë mbi 200 institucione të administratës që preken nga këto vendime dhe mbi 130 mijë të punësuar, pagat e të cilëve u miratuan që në prill, zbardhja e vendimeve merr një kohë më të gjatë. Kjo është edhe arsyeja që për të qenë më koherent dhe për të shkaktuar sa më pak vonesa në marrjen e pagave, iu kemi kërkuar të gjithë institucioneve buxhetore që të përgatisin dokumentacionin e nevojshëm me qëllim që pagat e majit, në fazën e parë të kalojnë siç ishin para se të hynte në fuqi reforma. Disa prej institucioneve që preken nga ligji që kaloi në parlament, ne vendosëm që pagat në tërësi të kalojnë siç kanë qenë në muajin maj dhe me zbardhjen e vendimeve, do të përfshijmë për dokumentacionin e nevojshëm me qëllim që shtesat mbi pagë të aplikohen qoftë për prillin dhe majin”, tha ministrja.

 

Kuvendi miratoi rritjen e pagave për rreth 130 mijë punonjës të administratës, si dhe për vetë deputetët e ministrat.

Subscribe kanalin tonë në Youtube për të mos humbur asnjë video të re