As në pankinë, siç pritej. Në të vërtetë, as në “San Siro”. Mauro Icardi nuk ishte mbrëmë në stadium, së bashku me bashkëshorten e tij, Wanda Nara, për të parë fitoren e Interit kundër Lecce.
Dhe, më pak se një javë nga fundi i merkatos, misteri mbetet maksimal: cila do të jetë e ardhmja e argjentinasit? Në sfond, i zakonshmi Juventus.
Sidoqoftë, shkëmbimi që përflitej (deri më tani) me Paulo Dybala duket pak konkret. Një marrëveshje, që mund të diktohet ditët e fundit të merkatos.
Sipas “Gazzetta dello Sport”, Fabio Paratici dhe Beppe Marotta folën në telefon gjatë fundjavës për mundësinë e shkëmbimit të dy argjentinasve.
Shkurt, kjo është dëshmi e shkrirjes së tensioneve të shkaktuara nga ndarja e Marotta me Juventusin dhe, më pas, zbarkimi i këtij të fundit si drejtues tek Interi.
Sidoqoftë, është herët të thuhet se është shtruar rruga për shkëmbimin Dybala-Icardi. Gjithashtu, sepse bardhezinjtë më shumë se “Joya” duan t’iu ofrojnë zikaltërve një lojtar tjetër; Mario Mandzukic.
35 milionë euro plus sulmuesin kroat, për të qenë të saktë; kjo është oferta e Juventusit për ish-kapitenin e Interit.
Një hipotezë që nuk gjeti pëlqimin e Interit, dukshëm jo shumë i bindur nga këndvështrim ekonomik dhe teknik. Paratici dhe Marotta janë ndarë me premtimin e pashkruar për të folur përsëri, ndoshta para skadimit zyrtar të merkatos, të planifikuar për të hënën, më 2 shtator.
Juventus nuk e heq vëmendjen nga Icardi, i cili nga ana e tij është jashtë projekteve të Interit. Ashtu siç Dybala nuk është më në qendër të projekteve të Juventusit.
Ndërkohë, një gjë është e sigurt: Mandzukic nuk do të shkojë në Milano.
