Shërbimi Meteorologjik Ushtarak bën të ditur se për ditën e hënë moti mbi vendin tonë parashikohet me kthjellime si dhe alternime vranësirash kalimtare nga orët e mesditës deri ato të pasdites dhe kryesisht përgjatë relieveve kodrinore-malore.

Në momentin e zhvillimit të vranësirave në relievet e larta malore do të ketë reshje shiu të dobëta por nuk përjashtohet mundësia e shtrëngatave lokale dhe afatshkurtër.

Mjegull, mjegullinë në orët e mëngjesit kryesisht përgjatë zonave luginore.

Në orët e mesditës shkrirje graduale e dëborës në male.

Era parashikohet të fryjë me drejtim verilindje-veriperëndim e lehtë e përkohësisht mesatare në mesditë dhe pasdite.

Valëzimi në dete parashikohet i forcës 1-3 ballë.

Temperaturat parashikohen:

QYTETET Temperaturat në °C

Shkodër 8/21 diell pak re

Kukës 4/18 diell re

Lezhë 7/20 diell pak re

Dibër 4/16 diell re

Durrës 8/20 diell pak re

Tiranë 8/21 diell re

Elbasan 7/21 diell re

Berat 4/22 diell re

Vlorë 8/20 diell pak re

Korçë 4/15 diell re

Gjirokastër 4/22 diell re

Sarandë 7/20 diell pak re.