Disa ditë më parë, ish-ministri i shëndetësisë, Ilir Beqja kërkoi uljen e pensioneve dhe pagat e administratës, për shkak të koronavirusit. Një deklaratë e tillë nuk është përjetuar mirë nga një pjesë e madhe e popullit, gjë që ka prekur edhe një ish-futbollist si Elvis Sina. Në të kaluarën, pjesën më të madhe të karrierës Sina e ka kaluar me skuadrën e Tiranës, madje duke mbajtur shiritin e kapitenit. Sina ka qenë i ashpër në postimin e tij në facebook, duke e akuzuar Beqajn si personin që ka vjedhur plot 410 milonë euro.
POSTIMI I PLOTË I SINËS
Ilir Beqaj ka propozuar para dy ditesh uljen e pensioneve si një nga masat për të përballuar krizën ekonomike që po vjen si pasojë e izolimit të ekonomisë.
Dy fjalë për të:
Ku e gjen ti guximin të kërkosh sakrificën e pensionistëve?
Arsyeja përse u izoluam në karantinë ishte sepse sistemi ynë shëndetësor nuk e përballonte dot fluksin e të sëmurëve.
Nuk e përballonte dot sepse ti lekët e spitaleve të reja, pajisjeve shëndetësore, ilaçeve e rritjes së pagave të mjekëve dhe infermierëve i bëre kontrata konçesionare për miqtë e tu dhe shefit tënd.
Ti firmose 410 milionë USD konçesione:
Konçesioni i check-up – 90 milionë USD
Sterilizimi – 160 milionë USD
Dializa – 70 milion USD
Shërbimi laboratorik – 90 milion USD
Me këto lekë do kishim ngritur 10 spitale të reja, zgjidhur problemin e ilaçeve, dyfishuar pagat e mjekëve si edhe do dyfishonim edhe pensionet. Nuk i bëmë se ti i vodhe.
Me këto lekë ndoshta nuk do kishim fare nevojë të izoloheshim sepse sistemi do ishte i shëndetshëm.
Ti dhe të ngjashmit e tu që e kanë rrënuar buxhetin e shtetit, sot duhet të ishit në burg ose në shtëpi duke pritur vendimin e gjykatës.
Fakti që ky vend ende nuk ka një sistem drejtësie, nuk do të thotë që nuk ka as memorie.
Guxo ti apo shefi yt të prekni lekët e pensionistëve dhe do ju vijmë në shtëpi.
Të vetmit që duhet të paguajnë sot jeni ju, klasa politike dhe klientët tuaj.
Ju që e keni rrjepur për 30 vite këtë vend të bekuar me pasuri natyrore.
Dhe do paguani!
