Kryetari i Partisë së Lirisë, Ilir Meta, i’u bën thirrje dhe njëherë qytetarëve të bashkohen në Pallatin e Kongreseve, për t’i dhënë Lirisë, siç thotë ai dimensionin që kërkojnë të gjithë shqiptarët.
Ilir Meta ka publikuar një foto të peshëngritësit Muharrem Berisha, ndërsa shkruan se “ose bëhemi Kampionë të vlerave të Lirisë, Kombit, Atdhedashurisë dhe Patriotizmit, si Berisha, Vironi dhe Adriatiku ose nuk i duhemi më kësaj toke”.
“Me këtë foto të SuperBerishës tonë ju përshëndes dhe ju uroj të gjithëve një javë energjike në këto ditë historike për Partinë e Lirisë! Në 27 Prill, në ora 10:00, takohemi në Pallatin e Kongreseve për t’i dhënë Lirisë dimensionin që kërkojnë të gjithë shqiptarët. O bëhemi Kampionë të vlerave të Lirisë, Kombit, Atdhedashurisë dhe Patriotizmit, si Berisha, Vironi dhe Adriatiku ose nuk i duhemi më kësaj toke”, shkruan Meta.
Nderkohe ne nje tjeter postim, Ilir Meta ka publikuar nje vdieo duke u ngjitur ne mal, ndersa shkruan: “Do ta bëjmë këtë tokë të bekuar nga Zoti një vend të begatë dhe plot me shpresë për të jetuar 4 milion shqiptarë plus! Malet tona më të larta! Gëzua Ditën Ndërkombëtare të Tokës!”
