Kryeministri Edi Rama, ka marrë pjesë në inaugurimin e ekspozitës së UNESCO-s, “Kultura në sulm”, e cila fokusin e saj e ka në rolin e kulturës dhe zhvillimin e saj në mjediset që janë në konflikt ose janë prekur nga krizat humanitare.
Gjatë kësaj vizite, Rama shoqërohet nga bashkëshortja e tij Linda Rama si dhe i është bashkuar edhe zonja e parë e Ukrainës Olena Zelenska.
Kjo ekspozitë e veçantë i kushtohet shkatërrimit të trashëgimisë kulturore.
Në rrethana shumë të ndryshme dhe përballë kërcënimeve të ndryshme, imazhet e fuqishme nga Afganistani, Iraku, Ukraina dhe Jemeni flasin për fuqinë e kulturës për të ndërtuar paqen, për të rritur kohezionin social, për të fuqizuar komunitetet dhe për të stimuluar ekonomitë.
