Home SHQIPERIA Ina Zhupa i kërkon dorëheqjen Ministres për Fëmijët: Sot tregove se nuk je e denjë për detyrën që mban

Ina Zhupa i kërkon dorëheqjen Ministres për Fëmijët: Sot tregove se nuk je e denjë për detyrën që mban

0
Ina Zhupa i kërkon dorëheqjen Ministres për Fëmijët: Sot tregove se nuk je e denjë për detyrën që mban

Ndajeni këtë artikull me të tjerë duke klikuar ikonat më poshtë

Deputetja e PD, Ina Zhupa ka kërkuar dorëhqejën e Ministres për Fëmijët, Bora Muzhaqi, pas reagimit të saj kur u pyet lidhur me vrasjen e Mateo Vasiut.

Sipas Zhupës, Muzhaqi nuk është e denjë të bëjë politika për fëmijët. Deputetja demokrate thekson se jeta dhe mirëqenia e një fëmije është çështje shumë më e madhe sesa një VKM.

“Dy realitete krejt të ndryshme kishte sot në Tiranë. Familjarët e Mateos, të dërrmuar nga dhimbja, që kërkojnë ndihmën e qytetarëve për të firmosur kthimin e dënimit me vdekje dhe Ministrja e Edi Ramës për fëmijët, që shpërfill me buzëqeshje dhimbjen e pamasë për vrasjen makabre të vogëlushit. Bora Muzhaqi ikën pa thënë asnjë fjalë për të, pa treguar aspak dhimbsuri, përulësi dhe përgjegjshmëri për detyrën e saj.

Kur të shihni videon, jam e sigurtë se do të revoltoheni njësoj si unë. Dhe nuk e them këtë, sepse unë jam deputete e opozitës, që shoh më të këqijat tek qeveria. Jam e revoltuar si nënë dhe si qytetare, kur shoh Ministren për Fëmijët të na përpalsë në fytyrë VKM-në e detyrave të saj.

Zonja Ministre! Ju sot duhet të jepni dorëheqjen, sepse nuk jeni e denjë të bëni politika për fëmijët tanë!

Jeta dhe mirëqenia e një fëmije është çështje shumë më e madhe sesa një VKM. Por ju këtë zonja Ministre nuk mund ta kuptoni, sepse jeni në atë detyrë jo për meritën tuaj, por sepse Edi Ramës i duhet buzëqeshja juaj”, shkruan Zhupa.

Ndajeni këtë artikull me të tjerë duke klikuar ikonat më poshtë