Pavarësisht masave kundër përhapjes së koronavirusit (COVID-19) që ndalon tubimet masive, në Vevçani, në veri të Maqedonisë Veriore, u mbajtën karnavalet tradicionale, aty ku heraherës janë shfaqur dhe lojra me nuanca antishqiptare.

Gjatë karnavaleve, pati një konflikt midis pjesëmarrësve dhe forcave të sigurisë, pasi ata refuzuan të shpërndahen me thirrjen e policisë.

Konflikti, në të cilin njësitë speciale gjithashtu ndërhynë, ndodhi në pjesën qendrore të Vevçanit, ku pjesëmarrësit e karnavaleve mblidhen për t’u shfaqur maskat e tyre, ku, si në vitet e mëparshme, mbahet një paradë karnevalaske.

Megjithëse komuna e Vevçanit, si organizatori kryesor anuloi koncertet dhe bëri thirrje për respektimin e masave për të parandaluar përhapjen e koronavirusit, u deklarua se komuna “nuk ka të drejtë të ndërhyjë dhe të shtyjë festën”. Shoqata Gornja Mahala deklaroi se karnavalet do të mbahen, por nuk do të ketë vizita në shtëpi dhe tubime të tjera.

Zakonisht ky manifestim përmes maskave dhe personifikimeve të ndryshme zhvillohet nga 10 deri më 14 janar. Në dy nga pesë ditët e planifikuara, organizatorët përgatisin një program tërheqës muzikor dhe një ditë para fundit të karnavaleve, grupe njerëzish me maskua parakalojnë nëpër rrugët e Vevçanit.

Karnavalet çdo vit fillojnë me një paradë me anë të së cilës pjesëmarrësit përcjellin mesazhet dhe kritikat e tyre për atë që ndodhi gjatë vitit të kaluar.

Këtë herë, në një mënyrë kritike dhe satirike, pjesëmarrësit e karnavaleve simbolikisht paraqitën ndryshimin e emrit të Maqedonisë, rrugën e vendit drejt NATO-s dhe Bashkimit Evropian, por kishte edhe maska ​​që përfaqësonin zyrtarë shtetërorë dhe personalitete nga sfera të ndryshme të jetës.

Shumica e aktiviteteve të tjera në këtë ngjarje janë anuluar, dhe ndërkohë nuk dihet nëse ngjarja do të përfundojë nesër si zakonisht me ndezjen e maskave apo nëse ky aktivitet do të anulohet për shkak të pandemisë. Qeveria ka apeluar që të mos mbahen karnavale në Vevçan këtë vit, për shkak të masave në fuqi.

“Karnavalet e Vevçanit konsiderohen si një nga atraksionet më të mëdha unike dhe kulturore në vend, me një traditë prej 1400 vjetësh.