Numri i të infektuarve me koronavirus është rritur ndjeshëm në Indi. Në vetëm 24 orë vendi regjistroi 5,242 raste të reja me Covid-19. Ndërsa, numri total i të infektuarve në vend rritet në 96,169.
Nisur nga situata alarmante, India njoftoi se se do të zgjaste katantinën deri në fund të këtij muaji.
Besohet se numri i rasteve me virusin korona është rritur si shkak i kthimit të emigranteve në vendet e tyre të lindjes pasi kanë humbur punën. Po ashtu, njoftohet se brenda ditës në Indi humbën jetën 157 persona të tjerë duke bërë që bilanci i të rritet në 3,029.
Veç zgjatjes së kohës së karantinës, qeveria e vendit bëri edhe disa lëshime të masave shtrënguese në mënyrë që t’i japë një dorë ekonomisë. /
